Кривична пријава за производство и дистрибуција на детска порнографија

Поднесена е кривична пријава против 42-годишник поради сомнение за производство и дистрибуција на детска порнографија. При претрес во неговиот дом на 20 октомври, со судска наредба, полицијата одзела десктоп-компјутер и видеа со детска порнографија. Тој бил лишен од слобода и му бил одреден притвор од 30 дена.

Отсекот за компјутерски криминал при СВР Охрид поднесе кривична пријава против А.Д.(42) од Охрид поради постоење основи на сомнение за сторено кривично дело „производство и дистрибуција на детска порнографија“ по член 193-а од Кривичниот законик. При претрес во неговиот дом, извршен на 20.10.2026 со судска наредба, полициските службеници од СВР Охрид, во координација со полициските службеници од Секторот за компјутерски криминал и дигитална форензика при МВР, пронајдоа и одзедоа деск топ компјутер и видеа со експлицитни содржини од детска порнографија, по што веднаш го лишија од слобода, а судија на претходна постапка му одреди мерка притвор во траење од 30 дена.