Кривична пријава за тешка кражба на пиштол од Општата болница во Дебар

ОВР Дебар поднесе кривична пријава против повеќе лица за тешка кражба, а дел од пријавените се сомничат и за помагање. Ноќта меѓу 12 и 13 февруари 2026 година, откако вработена го дала клучот од влезната врата, пријавените влегле во болницата и од канцеларија одзеле пиштол во сопственост на установата.

ОВР Дебар поднесе кривична пријава против Ј.А.(42), А.И.В.(32) и А.К.(36), сите од Дебар, поради постоење основи на сомнение за сторено кривично дело „тешка кражба“, додека второ и третопријавениот сториле и кривично дело „помагање во извршување кривично дело“. На 12/13.02.2026 во Јавна здравствена установа - Општа болница Дебар, откако А.И.В., вработена во болницата, му го дала клучот од влезната врата на Ј.А., тој со третопријавениот влегле во болницата и во една од канцелариите одзел пиштол „црвена застава“ калибар 9.9 милиметри, сопственост на ЈЗУ Општа болница Дебар.