Кривична пријава за поседување марихуана и овозможување употреба на дрога во Кичево

ОВР Кичево поднесе кривична пријава против 49-годишник, кај кого при преглед на улицата „Дејан Стојаноски“ била пронајдена и одземена марихуана. Во неговиот автомобил било затекнато друго лице, на чие седиште биле пронајдени остатоци од марихуана, откако пријавениот му го отстапил возилото за употреба на дрогата.

ОВР Кичево поднесе кривична пријава против Р.В.(49) од Кичево, поради постоење основи на сомнение за сторени кривични дела „неовластено производство и пуштање во промет на наркотични дроги, психотропни супстанции и прекурсори“ по член 215 и „овозможување употреба на наркотични дроги“ по чл.216 од Кривичниот законик. При преглед извршен на улицата „Дејан Стојаноски“ во Кичево, полициските службеници кај него пронајдоа и одзедоа марихуана, а во неговиот автомобил „мерцедес“ со кичевски регистарски ознаки, затекнат е Д.Р. од Кичево, на чие седиште се пронајдени остатоци од марихуана, откако Р.В. му го отстапил своето возило да може да ја искористи дрогата.