Жена тешко повредена од механизам на трактор при земјоделски работи кај Сенокос

46-годишна жена се здобила со тешки телесни повреди додека со сопругот собирале црева од систем за наводнување во нива кај Сенокос. Ја повлекол самоизработен механизам приклучен на трактор, по што била пренесена во болницата во Прилеп. Екипа од ОВР Прилеп извршила увид и се работи на расчистување на случајот.

На 24.10.2026 во ОВР Прилеп било пријавено дека околу 15:10 часот во место викано „Рибник“ во атар на с.Сенокос, прилепско, Е.И.(46) од с.Сенокос се здобила со тешки телесни повреди додека вршела земјоделски работи во нива. Според пријавеното, таа и нејзиниот сопруг С.И. ги собирале цревата од системот капка по капка со помош на самоизработен механизам приклучен на трактор, при што во еден момент била повлечена од механизмот и се здобила со повредите. Таа била пренесена во болницата во Прилеп за укажаување помош, а увид на местото извршила екипа од ОВР Прилеп. Се работи на расчистување на случајот.