Приведени лица за нелегален ископ во потрага по злато во Калиште

Полицијата привела повеќе лица затекнати при нелегален ископ во потрага по злато на местото „Гури соколеци“ во село Калиште, гостиварско. Одземени се метален детектор, лопати, копачи и други предмети. Лицата се задржани во полициска станица поради сомнение за оштетување или уништување добра под привремена заштита или природни реткости, а по документирањето ќе следува соодветен поднесок.

На 23.10.2026 во 20:20 часот во с.Калиште, гостиварско, на местото викано „Гури соколеци“, полициски службеници од Полициското одделение Галате ги лишиле од слобода Н.С.(63) од с.Џепчиште, М.Д.(55) од с.Челопек, З.М.(72) и Н.К.(78) од с.Врапчиште. Тие биле затекнати како вршат нелегален ископ за пронаоѓање злато, при што кај нив биле пронајдени и одземени метален детектор, лопати, копачи и други предмети. Тие се сомничат дека со тоа сториле кривично дело по член 264 од Кривичниот законик - „оштетување или уништување на добра под привремена заштита или природни реткости“. Сите се задржани во полициска станица и по документирање на случајот против нив ќе следува соодветен поднесок.