Седум возачи лишени од слобода: шест без положен испит, една возачка поради брзо возење

Во изминатото деноноќие, на различни локации во државата, полицијата лишила од слобода седум возачи поради безобѕирно управување со моторно возило. Шест управувале без положен возачки испит, а 24-годишна возачка возела со брзина поголема од дозволената. По документирање на случаите ќе бидат поднесени соодветни кривични пријави.

Во текот на изминатото деноноќие, на различни локации во државата, полициски службеници лишија од слобода седум возачи поради сторено кривично дело „безобѕирно управување со моторно возило“ по член 297-а од Кривичниот законик. Од нив, шест управувале возило без положен возачки испит и тоа: Р.Т.(20) од Скопје, Н.В.(30) од скопско, А.Р.(23) од гостиварско, Т.С.(54) од велешко, И.И.(19) од Прилеп и А.Г.(38) од прилепско. Додека, со брзина поголема од дозволената возела 24-годишната Е.Н. од ресенско. По целосно документирање на случаите, ќе бидат поднесени соодветни кривични пријави.