Мопедист тешко повреден во сообраќајна несреќа на ул. „Никола Карев“ во Кочани

На ул. „Никола Карев“ во Кочани се случила сообраќајна несреќа меѓу автомобил управуван од 36-годишна жена и мопед управуван од 72-годишник, кој се здобил со тешки телесни повреди. При увидот било утврдено дека мопедистот управувал без стекнато право на управување, поради што против него ќе следува соодветен поднесок.

На 19.10.2026 во 08:50 часот во ОВР Кочани е пријавено дека на ул.„Никола Карев“ во Кочани, се случила сообраќајна несреќа помеѓу патничко возило „сеат“ со кочански регистарски ознаки, управувано од 36-годишната Р.З. од с.Грдовци, кочанско и мопед управуван од 72-годишниот Р.Ј. од Кочани. Во несреќата со тешки телесни повреди се здобил возачот на мопедот, констатирани во Итната медицинска помош во Кочани. Извршен е увид од увидна екипа на ОВР Кочани, при што било констатирано дека Р.Ј. го управува мопедот, пред да се стекне со право на управување. По целосно документирање на случајот, против него ќе следува соодветен поднесок.