Пукано кон маж во автомобил во Сарај, повреден во раката од оштетениот прозорец

Во близина на маркет во Сарај, лице пукало кон маж кој бил во патничко возило „туран“. Мажот се здобил со повреда на раката од оштетениот прозорец, а полицијата пронашла четири чаури од пиштолска муниција. Известена е Итната медицинска помош и се преземаат мерки за пронаоѓање на сторителот и расчистување на случајот.

На 18.10.2026 во 09:50 чaсот во СВР Скопје М.И. пријави дека околу 09:30 часот во близина на маркет во с.Сарај, додека бил со патничко возило „туран“, кон него било пукано од огнено оружје од страна на едно лице. Веднаш по пријавата на местото на настанот пристигнале полициски службеници од СВР Скопје, при што биле пронајдени четири чаури од пиштолска муниција. Од оштетениот прозорец од возилото М.И. се здобил со повреда на раката. Известена е екипа на Итната медицинска помош. Се преземаат мерки за пронаоѓање на сторителот и за расчистување на случајот.