Сопатник тешко повреден во судир на автомобил и товарно возило во Струмица

На булеварот „Гоце Делчев“ во Струмица се судриле автомобил „хундаи“, управуван од 80-годишник, и товарно возило „нисан“, управувано од 34-годишник. Сопатникот во автомобилот, на возраст од 44 години, се здобил со тешки телесни повреди, констатирани во Медицински центар Струмица. Увид извршила екипа на Полициската станица Струмица.

На 17.10.2026 во 10:40 часот на бул. „Гоце Делчев" во Струмица се случила сообраќајна незгода помеѓу патничко возило „хундаи“ со струмички регистарски ознаки, управувано од Н.Ш.(80) од Струмица и товарно возило „нисан“ со струмички регистарски ознаки, управувано од А.А.(34) од Струмица. Во незгодата со тешки телесни повреди се здобил сопатникот во патничкото возило „хундаи“ Т.А.(44) од Струмица, а повредите биле констатирани во Медицински центар Струмица. Извршен е увид од екипа на Полициската станица Струмица.