Осум возачи лишени од слобода за безобѕирно возење низ државата

Во изминатото деноноќие, на различни локации во државата, осум возачи биле лишени од слобода за безобѕирно управување возило. Шест возеле без положен возачки испит, меѓу нив и малолетници, еден возел со брзина поголема од дозволената, а еден под дејство на алкохол. По документирањето на случаите ќе бидат поднесени соодветни пријави.

Во текот на изминатото деноноќие, на различни локации во државата, полициски службеници лишија од слобода осум возачи поради сторено кривично дело „безобѕирно управување возило“ по член 297-а од Кривичниот законик. Од нив, шест управувале возило без положен возачки испит и тоа: С.С.(32) и Б.Р.(27), двајцата од Скопје, Ш.К.(23) од с.Арачиново, скопско, З.И.(19) и 17-годишник, двајцата од с.Студеничани, скопско и 17-годишник од Прилеп. Со брзина поголема од дозволената возел В.Б.(27) од с.Врапчиште, гостиварско, а под дејство на алкохол возел Б.Ј.(70) од Скопје. По целосно документирање на случаите, ќе бидат поднесени соодветни пријави.