Седум возачи лишени од слобода поради возење без положен испит или под дејство на алкохол

Во изминатото деноноќие, на различни локации во државата, полицијата лишила од слобода седум возачи за безобѕирно управување возило. Пет возеле без положен возачки испит, меѓу нив и 17-годишник, а останатите под дејство на алкохол. По документирање на случаите ќе бидат поднесени соодветни кривични пријави.

Во текот на изминатото деноноќие, на различни локации во државата, полициски службеници лишија од слобода седум возачи поради сторено кривично дело „безобѕирно управување возило“ по член 297-а од Кривичниот законик. Од нив, пет управувале возило без положен возачки испит и тоа: А.А.(18) од Скопје и 17-годишник од с.Сарај, скопско, М.Р.(40) од с.Радуша, скопско, И.Б.(29) од с.Стримница, тетовско и А.Т.(31) од Кичево. Под дејство на алкохол возеле Л.М.(54) од с.Љубодраг, кумановско и М.Н.(63) од Скопје. По целосно документирање на случаите, ќе бидат поднесени соодветни кривични пријави.