Кривична пријава за злоупотреба при продажба на дрвни сортименти во Свети Николе

Поднесена е кривична пријава против 62-годишен директор на подружницата „Шумарство“ во Свети Николе на ЈП „Национални шуми“. Од јули до ноември 2023 година, тој наводно склучил три договори за продажба на дрвни сортименти без претходна постапка, утврдени критериуми и транспарентен и конкурентен избор, со што на правно лице од велешко му овозможил противправна имотна корист од 3.422.592 денари.

Надворешната канцеларија за криминалистички работи Свети Николе поднесе кривична пријава против Б.И.(62) Свети Николе поради постоење основи на сомнение за сторено кривично дело „злоупотреба на службена положба и овластување“. Пријавениот, како директор на ЈП „Национални шуми“ - подружница Шумско стопанство „Шумарство“ - Свети Николе, од јули до ноември 2023 година склучил три договори за купопродажба на дрвни сортименти без претходно спроведена постапка, без однапред утврдени критериуми и без обезбедување на транспарентен и конкурентен избор на правно лице, со што му овозможил на правно лице од велешко да се стекне со противправна имотна корист од 3.422.592 денари.