Провала во станица за технички преглед во Чаир, одземен ресивер од видеонадзорот

Со употреба на сила било влезено во станица за технички преглед на улицата „Александар Урдаревски“ во Чаир, од каде е одземен ресиверот од видеонадзорот. Провалено било и во банкарска експозитура и канцеларија на МВР во истиот објект, но оттаму не било одземено ништо. Извршен е увид и се преземаат мерки за расчистување на случајот.

На 27.09.2026 во 02:42 часот во СВР Скопје е пријавено дека во периодот од 15:00 часот на 26.09.2026 до пријавувањето со употреба на сила било влезено во објект на станица за технички преглед на ул.„Александар Урдаревски“ на подрачјето на Чаир и од канцеларијата на раководителот е одземен ресиверот од видео надзорот. Полициски службеници излегоа на местото и притоа е контстатирано дека со употреба на сила е влезено во експозитура на една банка, како и во канцеларијата на МВР, кои се во склоп на објектот, но не е одземено ништо. Извршен е увид и се преземаат мерки за расчистување на случајот.